Kratki dio karijere na Parku prinčeva, Lionelu Mesiju neće ostati u lijepom sjećanju.

Foto: YouTube screenshot/Inter Miami CF 

Za Jutjub kanal OLGA, Mesi je otkrio kako se osjećao dok je bio član PSŽ-a.

„Uvijek sam govorio da razdoblje u PSŽ-u neću pamtiti po dobrom. Uz sve što sam rekao mogu da spomenem i to da sam ja jedini član Argentine, svjetskih prvaka, koji od svog tadašnjeg kluba, a to je bio PSŽ, nije dobio priznanje. No, ako ništa drugo, pamtiću PSŽ kao klub u kojem sam bio kada sam postao svjetski prvak“, rekao je Mesi.

On je potvrdio da ne razmišlja o sljedećem Mundijalu, ali da želi da bude spreman za Kopa Ameriku.

„Daleko je taj turnir, tri godine su puno, pogotovo kada imate godina kao ja. Trenutno mi je u fokusu nastup na Kopa Americi, a o SP-u ćemo razmišljati, ozbiljno ili ne, nakon toga“, dodao je Messi koji je u 176 nastupa za argentinsku reprezentaciju postigao 104 gola i apsolutni je rekorder “gaučosa”.