Gradonačelnik Podgorice Saša Mujović oglasio se povodom Međunarodnog dana Roma i Egipćana, kazavši da svom snagom želi da budu uvaženi članovi našeg društva, na svakom koraku, te da njihova tradicija i kultura budu očuvani.

Foto: arhiva, Vlada Crne Gore

Mujović je kazao da je velika je čast i zadovoljstvo biti na čelu grada koji baštini manjine.

"Svom snagom želim da budete uvaženi članovi našeg društva, na svakom koraku, da vaša tradicija i kultura budu očuvani. A da bi uspjeli u toj namjeri i tom cilju pored našeg angažmana potrebna je i vaša aktivna uloga. Posebno ističem potrebu za obrazovanjem i edukacijom, zato vas molim da ih ubijedite da se okrenu obrazovanju. Kada se to desi inkluzija u društvu će biti lakša, čestitam dan Roma i Egipćana sljedeći da dočekamo sa boljim rezultatima", poručio je Mujović, prenosi Gradska RTV.