Može vas spasiti od uobičajene popodnevnog izležavanja poslije jela i želje za slatkim. 

Foto: Ilustracija/Pixabay.com 

Ako svaki dan tri puta dnevno pješačite po 20 minuta, to će vam pomoći da dosegnete željeni broj koraka i da smršate. Najbolja i najdostupnija fizička aktivnost je šetnja, tj. pješačenje ili jednostavno hodanje.

Isprobajte trik

Istraživanje Univerziteta Vašington ustanovilo je da su ljudi, koji su hodali 15 minuta poslije svakog obroka, imali bolju ravnotežu šećera u krvi od onih koji su hodali 45 minuta u bilo koje doba dana.

To znači da vas hodanje poslije ručka može spasiti od uobičajene popodnevne letargije poslije jela i želje za slatkim. Isprobajte i trik s kojim ćete istopiti 20 posto više kalorija dok hodate.

Hodanje uzbrdo, što uključuje i hodanje po stepenicama, pomaže u izgradnji mišića, što pak ubrzava metabolizam. Na taj način sagorjećete više kalorija čak i kada sjedite za radnim stolom. Počnite tako da tri puta sedmično rutini hodanja dodate intervale hodanja uzbrdo, pa postepeno povećavajte.

Ubrzati ritam

Hodajte tako da radite jednominutne intervale u kojima ćete ubrzati ritam hodanja i tako ćete povećati broj otkucaja srca, te sagorjeti više kalorija. Nakon što ubacite jednominutne intervale u vašu rutinu hodanja, postepeno počnite povećavati ritam i trajanje intervala.

Dodajte vježbe

Mršavljenje hodanjem ne podrazumijeva samo hodanje. Pravite pauze u kojima ćete napraviti 15 do 20 čučnjeva, sklekove oslanjajući se na klupu ili radite duboke raskorake. Sve te vježbe ubrzavaju otkucaje srca, pomažu u izgradnji mišića i u tome da vam hodanje ne postane dosadno.

Idite dužim putem

Uvođenjem većeg broja koraka u vaše svakodnevne aktivnosti olakšaćete sebi dosezanje brojke od 15.000 koraka dnevno i mršavljenje. Tokom vremena sitni “naleti” kretanja tu i tamo, zaista čine razliku, zaključuju stručnjaci.

Oni preporučuju da ciljate na 15.000 koraka dnevno i da toliko koraka napravite baš svaki dan. Možda vam se ta brojka čini prevelika, ali u tu brojku ulazi baš svaki korak koji napravite od trenutka kada ustanete iz kreveta.

Ne brinite se zbog toga ako tek polagano povećavate broj koraka. Samo krenite, savjetuju stručnjaci. Za razliku od toga kada preko noći pojačate intenzitet vježbanja, udvostručavanje broja koraka preko noći neće opteretiti tijelo niti povećati mogućnost povreda.