Al Paćino je u novim memoarima, pod nazivom Sonny Boy, otkrio da mu je ponuđena uloga u jednoj od najprofitabilnijih filmskih franšiza svih vremena nakon Kuma, ali nije bio zainteresovan.
Foto: YouTube screenshot/ CBS Sunday Morning
Nakon uloge Majkla Korleonea u Kopolinom Kumu, renomirani glumac se preko noći pretvorio u svjetsku zvijezdu, zbog čega je odmah počeo da dobijaju ponude za uloge u visokobudžetnim filmovima. Jedna od njih bila je i uloga Hana Soloa u filmu Ratovi zvezda IV: Nova nada, iz 1977. godine.
„Kum me je pratio gdje god da sam išao i zasjenio sve što sam radio. Bio sam stidljiv zbog svega toga, ali svijet mi nije dao da budem stidljiv. Osjećao sam se zbunjeno metežom. Posle Kuma bi mi dozvolili da igram bilo koju ulogu. Ponuđena mi je uloga Hana Soloa u Ratovima zvijezda“, napisao je Paćino u svojoj knjizi, prenosi Entertainment Weekly.
Odbio je ulogu nakon razgovora sa svojim mentorom
Odbio je ulogu Hana Soloa tek pošto je pročitao scenario i preneo ga svom učitelju glume Čarliju Lotonu, prenosi Index.
„Tako sam pročitao scenario za Ratove zvijezda. Prosledim ga Čarliju i kažem: ‘Čarli, ovo nije uloga za mene.’ Zove me i kaže: ‘Slažem se.’ Tako da nisam prihvatio ulogu“, prisjeća se oskarovac.
Luton je bio nastavnik glume koji je radio u školi Herbert Berghof Studio, gdje je stekao slavu 1960-ih. Zajedno sa glumcem i režiserom Lijem Strazbergom, Luton je bio doživotni prijatelj i mentor Paćinu, koji je odbio da glumi u blokbasterima i popularnim franšizama zbog uticaja svojih renomiranih učitelja.
KOMENTARI (0)