Ovaj recept donosi prepoznatljiv spoj kremastog lješnika, čokolade i hrskavog omotača – idealna poslastica za sve prilike.

Foto: Ilustracija/Pixbay.com 

Ferrero kuglice su jedan od omiljenih gotovih slatkiša, budući da sjedinjuju dva predivna ukusa, a to su lješnik i čokolada! Iako ovaj slatkiš najčešće kupujemo u prodavnici, njega uopšte nije teško napraviti kod kuće od svega nekoliko sastojaka. Probajte recept i uvjerite se sami:

Ferrero kuglice

Sastojci:

200 g mljevenih lešnika

150 g mljevenog keksa po želji

200 g nutelle

100 g čokolade za kuvanje (ili mliječne čokolade)

50 g sjeckanih lješnika (za dekoraciju)

Priprema:

U posudi pomiješajte mlevene lešnike, mljeveni keks i nutellu. Dobro izmiješajte dok ne dobijete glatku smjesu.

Od smjese formirajte kuglice veličine oraha. Stavite ih na tanjir obložen papirom za pečenje.

Stavite kuglice u frižider na 30 minuta da se stegnu.

Dok se kuglice hlade, otopite čokoladu na pari ili u mikrotalasnoj (na niskoj temperaturi, uz povremeno miješanje).

Izvadite kuglice iz frižidera, umačite ih u otopljenu čokoladu, a zatim ih prebacite na tanjir.

Odmah pospite sjeckanim lješnicima, dok je čokolada još tečna.

Ostavite kuglice da se stegnu na sobnoj temperaturi ili u frižideru, piše City magazine.

Kada se čokolada stegne, kuglice su spremne za posluženje! Čuvajte ih u hermetički zatvorenoj posudi i uživajte u ukusnim domaćim Ferrero kuglicama.