Prožeti toplim, sezonskim začinima, biće idealan dodatak  prazničnim  stolu. 

Foto: Ilustracija/Pexels.com 

Kolači u obliku božićne jelke nešto su najslađe!

Najmlađi će u njima zasigurno uživati, a veoma ih je lako za napraviti.

Recept donosimo u nastavku.

Sastojci:

150 g tamne čokolade (76% kakaovca), grubo nasjeckane

150 g maslaca

3 velika jaja

125 g šećera

1 kašika ekstrakta vanile

korica i sok od 1 klementine

3 kašike porta (ili kuvanog ili crnog vina)

četvrtina kašike mljevenog cimeta

prstohvat mljevenih klinčića

nekoliko puta narendani muškatni oraščić

100 g glatkog brašna

četvrtina kašike praška za pecivo

Priprema

Zagrijte rernu na 180°C, a ako koristite opciju s ventilatorom, temperaturu postavite na 160°C.

Obložite dno i stranice okruglog kalupa promjera 23 cm papirom za pečenje.

Otopite čokoladu i maslac u posudi iznad lonca s vodom koja ključa, pazeći da zdjela ne dodiruje vodu (alternativno, čokoladu i maslac možete otopiti i u mikrotalasnoj pećnici na niskoj temperaturi).

Miješajte dok se ne sjedine, maknite s pare i pustite jedno dvadeset minuta da se smjesa ohladi.

U velikoj zdjeli drvenom kašikom istucite jaja, šećer i ekstrakt vanilije. Zatim umiješajte koricu i sok klementine, porto i začine dok se ne sjedine.

U posebnu zdjelu prosijte brašno, prašak za pecivo i pola kašiku soli. Ulijte ohlađenu čokoladnu smjesu u umućena jaja i miješajte dok se ne sjedini i postane glatka, zatim umiješajte smjesu od brašna dok se ne sjedini.

Smjesu izlijte u lim i pecite 20-30 minuta dok se ne stegne na vrhu, a unutra ostane malo gnjecav. Ostavite da se potpuno ohladi u limu prije nego što ga izvadite iz kalupa.

Ohlađeni brownie kolač izrežite na 12 trokutastih dijelova u obliku stabla, a ako želite, možete odrezati zaobljene donje djelove da biste dobili ravnu ivicu. 

Za glazuru za ukrašavanje

Pomiješajte 75 g šećera u prahu s 2 kašike vode, dodajte kap ili dvije više ako je potrebno da dobijete gustu, ali tekuću glazuru.

Nakapajte ili je vucite preko trougla kolačića u cik-cak uzorku.

Pospite posipom i umetnite čokoladni štapić da biste stvorili deblo.

Ostavite glazuru da odstoji najmanje 2 sata prije posluživanja.