Usljed jakih udara vjetra, stablo je palo na ogradu Mosta braće Zlatičanin, ali zahvaljujući brzoj reakciji nadležnih službi, situacija je pod kontrolom.

Foto: MediaBiro

Prema riječima zamjenice gradonačelnice Nađe Ljiljanić, odmah su kontaktirane službe Zelenila, Čistoće i Služba zaštite i spašavanja, koje su već na terenu i rade na uklanjanju stabla kako bi se omogućila normalizacija stanja.

"Pored toga, obavijestili smo Agenciju za stanovanje kako bi u što kraćem roku izvršili sanaciju i vratili ogradu mosta u funkcionalno stanje. Zahvaljujemo građanima na strpljenju i razumijevanju," istakla je Ljijanić na Instagramu.

Očekuje se da će radovi na sanaciji biti završeni u što kraćem roku, dok su sve nadležne službe i dalje na terenu kako bi osigurale bezbjednost građana i saobraćaja.

Video: MediaBiro