Crnogorski vaterpolisti u subotu otvaraju Svjetsko prvenstvo u Singapuru.

Foto: arhiva, Vlada Crne Gore/Saša Matić

Prvi rival je Grčka, a meč počinje u 13.10 časova.

“Poslije dva mjeseca stvorio se jedan novi tim, koji je rame uz rame sa ostalim evropskim i svjetskim ekipama. Što se tiče naše grupe, to je jedna od najtežih grupa na šampionatu – Grčka, Hrvatska, Kina i mi. Možda i jeste bolje da nam je teža grupa, da bi kasnije u nokaut fazi imali lakši posao, da osjetimo tu čvrstinu jakih utakmica i da se što prije naviknemo”, ističe Đuro Radović.

Heleni su dobro poznat protivnik.

“Prva utakmica sa Grčkom, več smo odigrali dvije tri utakmice sa Grčkom po novim pravilima, nismo prošli rezultatski povoljno ali mi smo bili u nekom izmiješanom sastavu kao i oni, to je priča za sebe. Ovo je druga priča. Pripremili smo se za njih, analizirali, vjerujem da smo spremni. Nemamo povrijeđenih igrača, spremni smo mentalno. Treba zaustaviti njihovu agresivnu igru, da pametno odgovorimo na te njihove kontranapade. Njihovi najjači aduti su ta dva njihova centra koji drže dubinu u napadu i naravno vjerujem u pobjedu”, dodao je Radović.

U grupi su “ajkulama” i Grčkom su Hrvatska i Kina.