Opština Bar još jednom je uputila apel građanima i turistima u Baru da se odgovorno ponašaju, ne pale i ne koriste vatru ili bilo kakve zapaljive materije i predmete na javnim površinama, parkovima, šumama, plažama i drugim javnim mjestima ali ni na privatnim posjedima.

Foto: YouTube screenshot/MediaBiro

“Služba zaštite i spasavanja ulaže nadljudske napore da spriječi širenje vatre i sačuva imovinu i živote a vatrogasci su na izmaku snage. Molimo sve u Baru da olakšaju posao našim herojima i ne dovode svojim neodgovornim ponašanjem u opasnost ljude i okolinu koja je već značajno stradala, srećom bez gubitaka imovine i života”, naglasili su.

Dodali su da ukoliko građani primijete vatru ili dim odmah pozovu vatrogasce na broj 123.

“Svako ko bude zatečen da se ponaša suprotnom tome biće sankcionisan shodno Naredbi o zabrani loženja vatre na otvorenom prostoru”, zaključili su.