"Kolćonerosi" slavili u gostima 3:0

 

Foto: Ilustracija /Pixabay

Fudbaleri madridskog Atletika upisali su drugu pobjedu zaredom u La Ligi, nakon što su danas u gostima, u 18. kolu, savladali Đironu 3:0.

Atletiko je preuzeo treće mjesto od Viljareala od kojeg ima dva boda više i tri utakmice više.

"Kolćonerosi" su već nakon prvog dijela imali ubjedljivu prednost - prvo je u 13. minutu Koke sa oko 25 metara zatresao mrežu, a onda je Galager u 38. minutu matirao Gazanigu.

Galager je u finišu prvog dijela imao još jednu šansu, potom su probali Simeone i Koke, a na drugoj strani je neprecizan bio Moreno.

A onda je u sudijskoj nadoknadi konačan rezultat postavio Grizman, koji je postigao šesti gol u La Ligi. Svih šest pogodaka je postigao nakon što je ušao u igru.