Ilinoj je prvi put nakon 2005. godine u polufinalu.

Foto: YT screenshot/ Big Ten Men's Basketball

Crnogorski košarkaš, David Mirković nastavlja sa odličnom sezonom u NCAA ligi, pa je sinoć sa Ilinojem izborio plasman na završni turnir, nakon pobjede u četvrtfinalu protiv Ajove - 71:59.

Ilinoj se sinoć prvi put nakon 2005. godine plasirao u polufinale NCAA lige.

Mirković je sinoć na terenu proveo 38 minuta i za to vrijeme je postigao devet poena, uz 12 skokova, po dvije asistencije i ukradene lopte, te blokadom.

Ilinoj je prvi put poveo u drugom poluvremenu i od tada kontrolisao rezultat i mirno priveo meč kraju.

Najefikasniji kod Ilinoja je bio Kiton Vagler sa 25 poena. Andrej Stojaković je dodao 17, a Tomislav Ivišić 13 poena.

Ilinoj će u polufinalu igrati sa pobjednikom meča u kojem se sastaju Djuk i Jukon.