Koliko god da se njegujete, ruke će odati vaše godine na prvi pogled, ako ih zapostavite.

Foto: Ilustracija/Pixabay.com 

Koža na rukama je tanka i sklonija oštećenjima, pa se brže izbora i ogrubi od kože na ostalim djelovima tijela. Na njih djeluje sve, od sunčeve svjetlosti do vode i svakodnevnih kućnih poslova, pa nije ni čudo da naše ruke brže ostare. Većina žena zanemaruje pravilnu negu ruku koja je neophodna kako bi koža ostala elastična.

Losion od mlijeka, meda i limuna

Napravite hranljivi losion za negu ruku, tako što ćete pomiješati šolju (od 250 ml) toplog mlijeka, jednu kašičicu meda i sok od pola limuna. Dobro izmješajte da se med istopi. Kada se losion ohladi, sipajte ga u čistu bočicu, na primjer od alkohola i držite u frižideru. Mažite ruke kad god možete i koža će vam biti nježna.

Hranljivi piling od maslinovog ulja

S godinama, u koži se smanjuje količina kolagena, pa nastaju bore, koža gubi elastičnost i postaje gruba. Njegujte ruke tretmanom koji ćete napraviti od po 1/4 kašičice maslinovog ulja i šećera. Pomiješajte i umasirajte u kožu ruku. Radite to jednom nedjeljno. Maslinovo ulje neguje i leči ispucalu kožu ruku, umiruje je i vraća joj vlažnost, a šećer djeluje kao piling.

Unesite vitamine putem hrane

Hrana koju jedete utiče na kožu. Unosite više namirnica koje sadrže proteine, vitamine B i E, kako bi koža ruku bila nježna, a nokti zdravi i čvrsti. Jedite integralne žitarice, spanać, badem, semenke suncokreta, jogurt, sir, ribu, piletinu, ćuretinu.