Još nije kasno da stopala, posebno ispucale pete, pripremite za ljeto, a u tome mogu pomoći savjeti dermatologa.

Foto: Ilustracija/Pixabay.com 

Koža na stopalima lako postane suva i ispucana, posebno zimi. Srećom, postoje koraci koje možete preduzeti za tretiranje suvih, ispucalih peta kod kuće i sprečiti njihovo ponovno pojavljivanje, piše AAD, a prenosi Najžena.rs.

Kako biste se pripremili za ljeto i sandale, potrebno je adekvatno njegovati stopala. Najbolje je da slijedite savjete dermatologa.

Ograničite kupke i tuširanja na pet do deset minuta

Predugo kupanje može isušiti kožu te tako pogoršati suve, ispucale pete. Budite nežni kada sušite kožu peškirom.

Koristite nježno sredstvo za čišćenje bez mirisa

To će pomoći vašim stopalima da zadrže svoja prirodna ulja

Navlažite stopala pet minuta nakon kupanja

Nabavite hidratantnu kremu koja sadrži deset do 25 posto uree, alfa hidroksilnu kiselinu ili salicilnu kiselinu i nanesite je na pete odmah nakon kupanja dok vam je koža još vlažna i kad god su vam pete suve kako biste zadržali vlagu.

Prije spavanja nanesite vazelin

Razmislite o nošenju čarapa noću kako biste izbjegli masnoću na posteljini.

Zaštitite svoje pete

Tokom dana nanesite tečni zavoj ili zaštitnu kremu na pukotine na petama kako biste stvorili zaštitnu barijeru koja može pomoći u smanjenju bola, ubrzati zarastanje i spriječiti mikrobe da uđu u vašu kožu.