Francuske, američke, japanske, danske, holandske i, naravno, domaće palačinke naših baka – volimo u svim verzijama. Recepti sa tajnim sastojcima za što mekše i izdašnije palačinke prenosili su se s generacije na generaciju i zato su u isto vrijeme zahtjevan specijalitet, ali i najjednostavniji obrok koji vole da pripremaju čak i djeca. Danas je Međunarodni dan palačinki, a mi vam u nastavku donosimo tri perfektna recepta.

Foto: Ilustracija/ Pexels

Palačinke danas slave svoj dan! Ova poslastica je savršena kombinacija jednostavnosti i raznolikosti. Bez obzira na to kako ih volite, danas je savršena prilika da uživate u omiljenom dezertu sa svojom porodicom.

Da bismo vam pomogli da proslavite ovaj ukusni dan, izdvojili smo tri najbolja recepta za različite vrste palačinki: američke, francuske i domaće, ali posne.

Recept za američke palačinke

Foto: Ilustracija/ Pexels

Potrebno je:

1 šolja brašna

1 kašika šećera

1 kašičica praška za pecivo

1/2 kašičice soli

1 šolja mlijeka

1 veliko jaje

2 kašike istopljenog maslaca (ili biljnog ulja)

1 kašičica vanilinog ekstrakta 

U velikoj posudi pomiješajte brašno, šećer, prašak za pecivo i so. U drugoj posudi umutite mlijeko, jaje, istopljeni maslac i vanilin ekstrakt. Spojite suve i mokre sastojke i miješajte dok smesa ne postane glatka.

Zagrijte tiganj na srednjoj vatri i blago ga namažite uljem ili maslacem. Sipajte otprilike 1/4 šolje smjese za svaku palačinku. Pecite dok se ne pojave mehurići na površini, zatim okrenite i pecite još 1-2 minuta ili dok obje strane ne postanu zlatno braon.

Poslužite toplo uz sirup, voće ili po želji.

Recept za francuske palačinke (crepes)

Foto: Ilustracija/ Pexels

Potrebno je:

1 šolja brašna

2 jaja

1/2 šolje mlijeka

1/2 šolje vode

1/4 kašičice soli

2 kašike istopljenog maslaca

Priprema:

U velikoj posudi pomješajte brašno i jaja. Polako dodajte mlijeko i vodu, stalno mješajući, dok smjesa ne postane glatka. Dodajte so i istopljeni maslac, i dobro promiješajte. Ostavite smjesu da odstoji bar 30 minuta (poželjno).

Zagrijte tiganj za palačinke na srednjoj vatri i blago ga podmažite maslacem. Sipajte malu količinu smjese na tiganj, brzo rotirajući tiganj dok se smesa ravnomjerno ne raspodjeli. Pecite palačinke otprilike 2 minuta, dok donja strana ne postane braon. Onda je okrenite i pecite još oko 30 sekundi. Ponovite postupak dok ne potrošite svu smjesu. Poslužite sa omiljenim nadjevom - čokolada, voće, med ili sir.

Recept za posne palačinke

Foto: Ilustracija/ Pexels

Potrebno je:

1 šolja brašna

1 1/2 šolja mineralne vode (gazirane)

1 kašika šećera 

Prstohvat soli

1 kašika biljnog ulja (i dodatno za podmazivanje tiganja)

Priprema:

U velikoj posudi pomiješajte brašno, šećer (ako koristite) i so. Postepeno dodajte mineralnu vodu dok ne dobijete glatku smjesu bez grudvica. Dodajte kašiku biljnog ulja i dobro promješajte.

Zagrijte tiganj na srednjoj vatri i blago ga namažite biljnim uljem. Sipajte malu količinu smjese na tiganj, brzo rotirajući tiganj da se smjesa ravnomjerno raspodjeli. Pecite dok donja strana ne postane zlatno smeđa, a zatim okrenite i pecite još oko 30 sekundi do 1 minut.

Ponovite postupak dok ne potrošite svu smjesu. Poslužite sa omiljenim posnim nadevom - džem, agavin sirup, svježe voće ili orasi.