Izgled na rom-kom usnama je polumat, zamagljen, bez jasnih ivica. Boja preparata treba da odgovara prirodnoj boji usana ili da bude nešto tamnija od prirodne boje usana.

Foto: Ilustracija/ Pexels

Sjajne usne uvijek će biti poželjne, ali trenutno su aktuelne blago našminkane usne. Ovaj „no make up“ stil lansiran je na društvenim mrežama i zove se rom-kom.

Novi bjuti trend koji je Tiktok oživeo iz prošlosti, modernizovao ga i lansirao, stigao je i čeka da ga isprobate. Pričamo o rom-kom usnama inspirisanim heroinama iz starih romantičnih komedija. Sjajno izgledaju na svima, a superlako ih je našminkati. Prvo, koliko god naziv trenda zvučao futuristički i komplikovano, ideja je da ovo budu varijacije na temu "vaše usne ali bolje".

Kakve su to usne?

Polumat, zamagljene, mekane, bez jasnih ivica. Nisu zamena za glosi usne ali rado smo ih prihvatili. Lakše ih je našminkati, nositi, ne morate da brinete da li se precizna linija olovke za usne razmazala. Uz to, troši se i manje preparata nego za klasično našminkane usne.

Našminkajte ih u 3 koraka

Iako su rom-kom usne mat bitno je da budu dobro hidrirane. Ovo je važno da bi usne bile glatke bez ispucalih djelova i ljuskica pošto je ideja da djeluju mekano i prirodno.

Možete da koristite različite preparate da biste dobili ovaj izgled. Recimo olovku za usne, kremasto rumenilo, satenski ili mat ruž za usne ili tonirani balsam za usne.

Boja preparata treba da odgovara vašoj prirodnoj boji usana ili da bude nešto tamnija od vaše prirodne boje usana. Vjerovatno u vašem neseseru već imate nešto slično.

Tajna savršenih rom-kor usana su vaši prsti. Umjesto preciznog iscrtavanja linija usana i nanošenja karmina, najbolji način da napravite rom-kom usne je da nježno utapkate preparat vrhovima prstiju. Dakle, treba nam samo nagovještaj boje.

Možete da koristite istu boju kremastog rumenila koju koristite na obrazima za ujednačeniji izgled. Boju nanesite na centar usne i izblendajte prema spolja. Ako baš želite da koristite olovku za usne, obavezno je razmažite prstima nakon nanošenja kako biste izbjegli oštre linije.