SC Derbi izgubio od Borca u "M:Tel dvorani Morača".

Foto: YouTube screenshot/ SC Derbi

Nije uspio SC Derbi da slavi na premijeri ABA lige protiv Borca u Podgorici.

Čačani su iskoristili loš dan, loše izfdanje "studenata" i ostvarili su trijumf.

Kadrovski problemi u redovima domaćina u posljendje dvije nedjelje, ostavili su traga.

Međutim, tek je početak sezone i ima dosta vremena za popravni.

"Loša partija sa naše strane, dijelom sam očekivao da nećemo biti dobri pored kadrovskih problema koje smo imali posljednjih 10,12 dana. A bilo ih je previše za ekipu koja je trebala da nastupi u važnoj utakmici, a bila je važna jer je bila iz redova onih koje moramo dobiti na našem terenu. Ti problemi su se i odrazili na igru. Nije bilo protoka lopte, dosta teško smo dolazili u situacije da poentiramo, a u odbranimo smo bili loši prije svega u nekim bazičnim stvarima, primili smo puno poena u igri 1 na 1 i u građenju koša. Puno problema sa rosterom, neki igrači su igrali iako tri, četiri nedjelje nisu imali nikakav kontakt na treningu, tu prije svega mislim na Darijusa Džonsona, koji nije oporavljen, nije oporavljen ni Džastin Tarner, koji nije igrao i neće još četiri, pet nedjelje. Amar Gegić je odradio jedan timski trening samo. Malo je vremeno bilo da vratimo igrače u trening i uvedemo novog, ali nas to ne amnestira od toga da smo morali biti bolji u ovom meču prije svega u igri 1 na 1 i zagrađivanju koša. Četitam Borcu na pobjedi."- istakao je Petar Mijović, strateg SC Derbija.