Čikago Bulsi su pobijedili Orlando Medžik u gostima sa 110:98 i tako upisali i drugu pobjedu u novoj sezoni NBA lige.

Foto: YouTube screeenshot/Sports Goat

Crnogorski centar Nikola Vučević je upisao 15 poena, osam skokova i dvije asistencije.

Bulsi su vodili sa 83:80 poslije tri četvrtine , da bi u posljednjoj Dosunmu pogodio tri trojke iz tri pokušaja i trasirao put ka pobjedi.

Potom je u šutu za tri precizan bio i Smit, čime je Čikago uvećao prednost na 94:85 i mirno priveo meč kraju.

Gidi je bio najefikasniji u pobjedničkom timu sa 21 poenom i osam skokova.

Džejlen Smit je dodao 16 poena za Bulse, bio je jedan od njihova četiri igrača koji su igrali sa klupe sa dvocifrenim brojem poena. Dosunmu je kao i Vučević ubacio 15 poena.

Na drugoj strani, Paolo Bankero je postigao 24 poena, Entoni Blek je dodao 19 poena, a Franc Vagner 17. Orlando je šutirao 39% ukupno iz igre i pao je na skor 1-2.