Poznata tiktokerika Nara Smit još jednom je iznenadila pripravkom koji je napravila od sastojaka u kuhinji.

Foto: TikTok screenshot/naraazizasmith

Nakon pomalo bizarnih stvari koje je pripremila, poput žvakaćih guma, Nara je sada napravila svoju Coca-Colu za koju tvrdi da ima isti ukus kao i prava, piše Index.hr.

Kako je napravila Coca-Colu?

Prvo je otopila šećer s malo vode dok se nije karamelizovao. Karamel je zatim izlila na papir za pečenje i ostavila da se ohladi. Nakon hlađenja, razlomila je karamel na sitne komadiće. Zatim je u jednu posudu narendala koricu naranče, limuna i limete. U drugu posudu dodala je muškatni oraščić, cimet, malo vanilije, sjemenke korijandera, prah šipka, listove limete i malo kokosa.

U vodi je otopila šećer, limunsku kiselinu i jabukovo sirće i dodala pripremljene sastojke iz obe posude.

Smjesu je kuvala na laganoj vatri sat i po. Nakon kuvanja, procijedila je smjesu da bi dobila sirup.

Sirup je zatim ohladila i na kraju u čašu dodala malo ohlađenog sirupa i gaziranu vodu.

Brojni komentari

Video ima preko 17 miliona pregleda na TikToku i na hiljade komentara. „Možeš li molim te napraviti i Ozempic?“, „Ovo je prešlo svaku mjeru“, „Sad sam videla sve na svijetu“, „Nara, dosta, molim te“, samo su neki od komentara.

Nara je poznata po tome da skoro sve kod kuće pravi od nule – od hrane do higijenskih i kozmetičkih proizvoda. Tako je nedavno napravila pastu za zube, hidratantnu kremu, a posljednje je objavila i recept za kremu za sunčanje i dezodorans.

VIDEO MOŽETE POGLEDATI OVDJE!