Kišnom danu uvijek treba prilagoditi dnevni meni, te je poželjno birati jela koja će nas ugrijati i okrijepiti za sve obaveze koje nas čekaju. Kuvano jelo, toplo, "na kašiku" nezamjenjivo je po hladnom danu koji najavljuje jesen.

Foto: Ilustracija, Pixabay

Recept za ovo kuvano jelo je jednostavan, a obećava ukus koji se ne zaboravlja.

Sastojci:  

pileće bijelo meso
2 krompira
3 paprike
2 zelena paradajza
2 crvena paradajza
1 patlidžan
prešun, korijen i list
šargarepa
suvi bilji začin
biber
ulje

Priprema: 

Piletinu isijecite na kocke, pa je prodinstajte na vrelom ulju.

Dodajte joj na kocke isiječen krompir, šargarepu i korijen peršuna, pa na blagoj temperaturi nastavite da dinstate. Ukoliko treba, dodajte malo vode.

Svemu pridružite isječene paprike, paradajz i patlidžan, začinite i još malo prodinstajte.

Nalijte vodu da prekrije sastojke, začinite, pa kuvajte na laganoj vatri oko pola sata.

Pred kraj dodajte isjeckan bijeli luk i list peršuna.

Služite toplo.

Izvor: ona.telegraf.rs