Ova vodica je idealna i za salate ali i za marinade.

Foto: Ilustracija/Pixabay.com 

Možda vam zvuči čudno, ali sok od krastavaca koji ostane u frižideru nije za bacanje – naprotiv, može postati vaš novi omiljeni zdravi i kremasti umak.

Trend koji je zaludio društvene mreže otkriva da je tajna savršenog umaka upravo u njemu.

Levi Jensen (@emilyxlevi) predlaže recept sa samo dva sastojka: sok od turšije i tahini. Procedura je ultra jednostavna: sipajte, zatvorite teglu i protresete dok ne dobijete savršenu kremastu teksturu. 

Umak je dovoljno tečan da lako klizi, ali i dovoljno gust da ostane na šargarepi, paprikama ili drugim omiljenim grickalicama.

Zašto je sok od krastavca prava mala čarolija

Ovaj sok nije samo ukusan – pun je soli, sirćeta i začina, što ga čini idealnim i za salate, marinade, pa čak i kao twist u koktelima poput Bloody Mary. Ako koristite fermentisanu turšiju ili krastavce, dodatno dobijate probiotike koji pomažu varenju i zdravlju crijeva.

Naravno, zbog visoke koncentracije soli, najbolje je uživati u manjim količinama, posebno ako vodite računa o unosu natrijuma.

Mali trikovi za još bolji ukus

Dodajte svježe bilje iz frižidera: peršun, mirođije ili vlašac. Pojačajte aromu začinima ili malo ljutog za pikantan šmek.

Ne dodajte dodatnu so – sok od krastavca je već dovoljno slan.

Kako konzumirati ovaj umak?

Ovaj zdravi sos je brz, ukusan i nutritivno bogat – savršen uz svježe povrće, krekere ili čak sendviče. Jednostavan je način da iskoristite sok od krastavca i dodate ukusnu i hranljivu notu svakodnevnim obrocima.