Blago kisjelkast, s notama vina i začina, može se poslužiti uz mesna jela, sireve, salate...

Foto: Ilustracija/Pixabay.com 

VRIJEME: 20 min

SASTOJCI:

4 glavice bijelog luka

350 ml bijelog vina

1 kašičica soli

1 kašičica šećera

15 zrna šarenog bibera

3 lista lovora

3 karanfilića

3 bobice kleke

350 ml bijelog sirćeta

PRIPREMA:

Tegle i poklopce oprati i staviti na pola sata u rernu zagrijanu na 100 °C. Bijeli luk očistiti. U šerpu sipati sirće i bijelo vino, dodati lovor, biber u zrnu, bobice kleke, karanfiliće, so i šećer. Zagrijavati na srednje jakoj vatri dok ne provri.

Zatim dodati čenove bijelog luka i kuvati 1 minut.

Čenove bijelog luka rasporediti u tegle, pa preliti tečnošću u kojoj su se kuvali i dodati začine. Paziti da ostane oko 1 cm prostora do vrha. Tegle zatvoriti, staviti u lonac sa hladnom vodom i sačekati da voda provri. Zatim ugasiti šporet i ostaviti da se tegle ohlade u toj vodi.

Konzumirati nakon mjesec dana. Čuvati do oko 3 mjeseca na suvom i tamnom mjestu. Po želji možete koristiti i druge začine.